Білім және ғылым министрі Асхат Аймағамбетов жұмыс сапарымен Қарағанды облысына бардыСапар барысында Жезқазған, Сәтбаев қалаларындағы, сондай-ақ Кеңгір ауылдық мектебінде болды. А. Аймағамбетов білім беру ұйымдарының материалдық-техникалық базасымен танысып, оқу кабинеттерін аралады. Бейнебақылау камераларын орнату, дабыл батырмаларымен жабдықтау бойынша атқарылып жатқан жұмыстармен танысты. Мектеп оқушыларымен және педагогтермен әңгімелесіп, сұрақтарына жауап берді. Сондай-ақ А. Аймағамбетов Жезқазған университетінің қызметкерлерімен кездесіп, мектеп директорларымен және өңірдегі білім беру бөлімдерінің басшыларымен жиналыс өткізді. Кездесулер мен жиналыстардың қорытындысы бойынша жауапты тұлғаларға бірқатар тапсырма берілді.Орталық коммуникациялар қызметі алаңында «Білімді ұлт» сапалы білім беру» Ұлттық жобасы аясында брифинг өттіАсхат Аймағамбетов Ұлттық жоба шеңберінде атқарылып жатқан жұмыстар мен негізгі міндеттері туралы айтып берді. 2025 жылға қарай 2 жастан 6 жасқа дейінгі балаларды мектепке дейінгі біліммен қамту 95%-ға, 3 жастан 6 жасқа дейін 100%-ға жеткізу жоспарланған. Бұдан басқа, Мемлекет басшысының тапсырмасы аясында барлық мектепке дейінгі ұйымда бала дамуының жаңа моделі енгізіледі. Сондай-ақ брифинг барысында Асхат Аймағамбетов орта білім беру сапасын арттыру шараларына тоқталды. Ұлттық жоба аясында ауыл мен қала мектептері арасындағы білім сапасындағы алшақтықты қысқарту бойынша кешенді шаралар қабылданады. Оқушы орындарының тапшылығын қысқарту үшін жаңа мектептер салу жоспарланған. Сондай-ақ Асхат Аймағамбетов қолжетімді әрі сапалы техникалық және кәсіптік біліммен қамтамасыз ету бойынша да ақпарат берді. Министрдің айтуынша, 2025 жылға қарай жастардың 100%-ы сұранысқа ие мамандықтар бойынша техникалық және кәсіптік білімді тегін алады. Қазақстандық жоғары оқу орындарының бәсекеге қабілеттілігін арттыру бойынша да кешенді шаралар қабылданған. Ұлттық жоба шеңберінде Назарбаев Университетінің тәжірибесі бойынша 2 озық жоо құрылатын болады. Сонымен қатар шетелдік жоғары оқу орындарының 5 филиалын ашу жоспарланған. Министрдің айтуынша, бұл жастардың елден кетуін қысқартуға мүмкіндік береді. Брифинг соңында Министр журналистердің сұрақтарына жауап берді.
Білім және ғылым министрі Асхат Аймағамбетов Алматы қаласына жұмыс сапарымен бардыМинистр жоғары оқу орындары ректорларымен және ғылыми қауымдастық өкілдерімен кеңес өткізді. Күн тәртібінде сыбайлас жемқорлыққа қарсы іс-қимыл мәселелері талқыланды. Сонымен қатар студенттер арасында сыбайлас жемқорлыққа қарсы мәдениетті қалыптастыру жөніндегі кешенді жоспарларды іске асыру жолдары қаралды. Отандық университеттерде сыбайлас жемқорлыққа қарсы комплаенс-қызметтерді енгізу мәселелері пысықталды. Кездесу соңында Сыбайлас жемқорлыққа қарсы іс-қимыл Агенттігі мен Білім және ғылым министрлігі арасында ынтымақтастық туралы Меморандумға қол қойылдыАсхат Аймағамбетов Алматыға жұмыс сапары барысында аутизм орталығына барды Бұл орталықта алматылық оқушылар сауықтыру курсынан өтіп жатыр. Министр балалармен жұмыс істеу үшін жасалған жағдайлармен және қолданылатын әдістемелермен танысты
Білім және ғылым министрі «Жасыл мектеп» жобасы бойынша іске қосылған мектеп жылыжайларында болдыБүгінгі таңда Алматыда 16 жылыжай жұмыс істейді. Қалалық мектептердің оқушылары педагогтармен бірге көкөніс, өсімдік, жеміс-жидектер өсіреді.
Білім және ғылым министрі Асхат Аймағамбетов De Montfort University Kazakhstan өкілдерімен кездестіКездесуде еліміздің жоғары білім беру саласында шетелдік серіктестердің үздік тәжірибелерін қолдану мәселелері қаралды. Де Монтфорт Лестер Британ университетімен ынтымақтастықты одан әрі дамыту жолдары пысықталды. Сондай-ақ университет ректоры Pounder James Stuart министрге Британ университеті филиалының Қазақстанда ашылуы және жаңа оқу жылының басталуы туралы ақпарат берді. Оқу процесін ұйымдастыру үшін 15 шетелдік оқытушы тартылған. Оқу орны Де Монтфорт Лестер Британ университетінің білім беру бағдарламалары негізінде «Бизнес және басқару», «Құқық» және басқа да бағыттар бойынша кадрлар даярлайды. Оқыту ағылшын тілінде жүргізіледі.
Білім беру ұйымдарындағы оқу процесі туралы брифинг өттіБрифингте Білім және ғылым бірінші вице-министрі Шолпан Каринова мен вице-министр Қуаныш Ерғалиев оқу процесі бойынша ақпарат берді. Олар білім және ғылым саласына қатысты өзекті сұрақтарға жауап берді.
